ʼn Delikate, pragtige nagereg ideaal vir spesiale geleenthede waar jy jou gaste wil beïndruk.
Bestanddele
Wortelkoektertdop
- 500 g wortelkoekmengsel
- 1 eier
- 60-80 g botter, gesmelt
- 2-4 e melk
Metode
- Verhit die oond tot 180 °C.
- Meng die wortelkoekmengsel, eier en gesmelte botter.
- Voeg die melk geleidelik by totdat ʼn sagte deeg vorm (nie loperig nie).
- Druk in éclair-vorms of vorm met die hand.
- Druk liggies met ʼn vurk.
- Bak vir 15-20 minute tot goudbruin en gestol.
- Laat heeltemal afkoel.
Vrugtesmeer
- 1 blikkie gemengde vrugte (fruit cocktail), gedreineer
- 2 e suurlemoensap
- 2-3 e suiker
- 1-2 e mielieblom
- 2 eiergele
- 1 e botter
Metode
- Meng die helfte van die vrugte tot ʼn puree.
- Kap die res van die vrugte fyn (as jy ʼn gladder smeer wil hê, meng dit ook.
- Meng die puree, suiker, suurlemoensap en mielieblom in ʼn kastrol.
- Kook oor medium hitte en roer aanhoudend totdat dit verdik.
- Temper en voeg die eiergele by.
- Kook tot glansend en soortgelyk aan vla.
- Verwyder van die hitte, roer die botter en gekapte vrugte by.
- Laat heeltemal afkoel. Voeg dit op die tertdop.
Vla-roomkaas
- 180 g botter, saggemaak
- 110 g roomkaas, kamertemperatuur
- 250 g versiersuiker, gesif
- 20 ml vanielje-essens
- 50 g vlapoeier
Metode
- Klits die botter en roomkaas tot glad en donsig.
- Voeg die versiersuiker geleidelik by en klits goed.
- Voeg die vanielje-essens en vlapoeier by.
- Klits tot lig, glad en spuitbaar. Spuit op die tertdop en vrugtesmeer.
Jelliebolaag
- 1 pakkie gegeurde jellie
- 250 ml kookwater
- 125 ml koue water
Metode
- Los die jelliepoeier in kookwater op.
- Roer koue water by.
- Gooi ʼn dun lagie jellie in ʼn pan. Laat dit stol en sny die lang vorm uit.
- Plaas dit versigtig oor die vla-roomkaaslaag.
Bron: Zandeleen Thygesen van Maroela Media
- Maroela Media spog nou met ons eie resepteboek, Huis-huis. Koop dit hier. Die resepteboek kan ook by The Book Keeper Shop in Lynnwood en De Afrikander Handelshuis in Pretoria gekoop word.